မိဘများ ၊ သားသမီးများ ( ၂ ) ![love flows animated flowers graphic]( "love flows animated flowers graphic")
http://www.layoutsparks.com/pictures/animated-25 မိဘတို့နှင့် သားသမီးများကြားတွင် ချည်နှောင်ထားသော မေတ္တာ သံယောဇဉ်ကြိုးများမှာ လူ့ဘောင်လောကအတွက် အခိုင်မြဲဆုံး ဖြစ်မည်ဟု ထင်ပါသည် ။ ထိုကြိုးများ ခိုင်မြဲနေသရွေ့လည်း လူသားတို့၏ကမ္ဘာလောကကြီးမှာ ငြိမ်းချမ်းသာယာနေမည်ဟု ယုံကြည်မိပါသည် ။
( က )
`` ထိုင်ဟေ့ မောင်ကျော်ထွေး ၊ လဘက်ရည် သောက်အုံးမလား ´´
`` မသောက်တော့ဘူး ဆရာ ။ ဒီကောင်မြတ်မင်းကို ဆရာနဲ့ အတူတွေ့လို့ ၀င်လာတာပါ ။ ဒီကောင်က
ရွာကနေတက်လာရင် ကျွန်တော်တို့နဲ့ သိတ်မတွေ့ဘူးဆရာ ။ သူ စက်ကျတဲ့သူဆီကိုသာ အရောက်သွားတတ်တာ ။ အခု ဆရာနဲ့ တွေ့ရတာတောင် ထူးခြားနေသလိုပဲ ။´´
`` ကျော်ထွေးနော် ။ ပေါက်ကရတွေမပြောနဲ့ ။ ဆရာက အဟုတ် ထင်နေအုံးမယ် ။
ငါက မင်းတို့ကိုကြည့်ပြီး အိမ်ထောင်ပြုတာကို စိတ်ကုန်နေတာ ။ ´´
``ကဲပါကွာ ကြုံတုန်းမှာ အေးအေးဆေးဆေး စကားပြောကြတာပေါ့ ။ ´´
`` သိတ်မအေးဘူး ဆရာရယ် ။ ဆရာ့ကိုလည်း အားနာပါတယ် ။ ဓာတ်ပုံပစ္စည်းတချို့ လာရှာရင်းနဲ့
ထွက်လာရတာမို့ နောက်မှ အေးဆေးဆုံပါ့မယ် ဆရာရယ် ။ ´´
`` ကျော်ထွေးရာ ။ ငါပြောသလိုပါပဲ ။ မင်းတို့ရဲ့ မ်ိသားစုအရေး ရှာဖွေရေးတွေက ငါ့အတွက်
ပင်ပန်းပါတယ်လို့ ငါမပြောလား ။ ´´
`` အေးပါ ။ ပြောထားအုံးပေါ့ ။ မင်း ရွာကို မပြန်ခင်တော့ ငါ့ဆိုင်ဘက်ကို အရောက်ဝင်ခဲ့ပါအုံး ။ မှာစရာလေးတွေပြောစရာလေးတွေရှိတယ် ။ ဆက်ဆက်နော် ... ကဲ ငါသွားပြီ ။ ဆရာရေ
ကျွန်တော့်ကိုခွင့်ပြုပါအုံး ။´´
` ` အေး အေး ´´
ပြောပြောဆိုဆိုပင်မောင်ကျော်ထွေး တစ်ယောက် စက်ဘီးကိုနင်းကာ သူ့ဆိုင်ဘက်ဆီသို့
ထွက်ခွာသွားတော့သည် ။ ကျွန်တော်လည်း သိချင်စိတ်ဖြင့် မေးမိပြန်ပါသည် ။
``မြတ်မင်းရေ ၊ မင်း သူငယ်ချင်းက အရင် ဆိုင်ကယ် စီးနေတာမို့လား ။ ´´
``ဟုတ်ပါတယ်ဆရာ ။ အခုတော့ သူ့ဆိုင်ကယ်က အသိမ်းခံလိုက်ရပြီလေ ။ ဒါကြောင့်
ဒီကောင် စက်ဘီးဖက်ကို ပြောင်းနေရတာ ။ ´´
`` ဘယ်သူက သိမ်းတာလည်းကွ ။ ´´
``ဒီကောင့်ကိစ္စကို အစ အဆုံးပြောပြပါမယ်ဆရာ ။ ´´
မောင်ကျော်ထွေးသည် အိမ်ထောင်ကျပြီးသည်နှင့် ဓာတ်ပုံလုပ်ငန်းတွင် ၀ါသနာပါသည့် အတိုင်း ဓာတ်ပုံရိုက်ခြင်း ၊ ဗီဒီယို ရိုက်ခြင်းများဖြင့် အလုပ်လုပ်နေသူဖြစ်ပါသည်။ အရင်းအနှီး အချို့ကို မောင်ကျော်ထွေး၏ မိဘများက စိုက်ထုတ်ပေးပါသည် ။ ထိုငွေကိုလည်း တတ်နိုင်သမျှ ပြန်လည် ဆပ်နေပါ၏ ။ လုပ်ငန်းအခြေအနေပေါ်တွင် မူတည်၍ အနည်းအများတော့ ရှိပါသည်။ သို့သော် တစ်နေ့တွင် မောင်ကျော်ထွေး၏ အမေနှင့် မောင်ကျော်ထွေး၏ဇနီးတို့ ငွေကြေး ကိစ္စနှင့်ပတ်သက်၍
အမြင်မတူဖြစ်ကြတော့သည် ။ မောင်ကျော်ထွေး၏ ၀င်ငွေအချို့မှာအချည်းနှီး ဆုံးရှုံးနေသည် ဟု မောင်ကျော်ထွေး၏ မိဘများက ထင်ပါသည် ။ မောင်ကျော်ထွေး၏ဇနီးကလည်း လုပ်ငန်း၏ သဘာဝမှာ ခေတ်ပေါ်ပစ္စည်းအချို့ကိုဖြည့်စွက်မှုပြုမှ လုပ်ငန်းလည်ပတ်မှုကောင်းမည်ဖြစ်၍ ထပ်မံ
ရင်းနှီးမှုများရှိနေသဖြင့် ဆပ်ငွေများ အခက်အခဲဖြစ်ကြောင်း ပြောဆိုပါသည် ။
မိဘ၏ သဘောကို သားသမီးများက မနာခံဟု မောင်ကျော်ထွေး၏ မိဘများက
ယူဆလာကြပါတော့သည် ။ နောက်ဆုံးတွင် ထုတ်ပေးထားသော အရင်းအနှီးလက်ကျန်ကို
ပြန်လည်ပေးဆပ်ရန် ဆိုလာသောအခါ ရသရွေ့ငွေကြေးအချို့တွင် ဆိုင်ကယ်ကိုပေါင်း၍ ဆပ်လိုက်ကြောင်း မောင်မြတ်မင်းက ရှင်းပြခဲ့ပါသည် ။ ထို့ကြောင့် မောင်ကျော်ထွေးမှာ ဓာတ်ပုံလုပ်ငန်းအတွက်လမ်းပေါ်ထွက်ရန် စက်ဘီးကိုသာ အားပြုနေရတော့ကြောင်း ၊ မောင်ကျော်ထွေး၏ မိဘများမှာမူ ဆိုင်ကယ်ကို အသုံးပြု၍ နေကြကြောင်း ၊ ရုံးလုပ်ငန်းတွင်ကျင်လည်နေကြသူများဖြစ်၍ ဆိုင်ကယ်ကို ဈေးထွက်ခြင်း ၊ အလည်သွားခြင်းတို့တွင်သာ သုံးစွဲဖြစ်ပြီး ကျန်အချိန်များတွင်
ရပ်နားထားရသည်သာဖြစ်ကြောင်း သိလာရပါတော့သည် ။ မိဘဂုဏ်ကို ထိန်းသိမ်းနိုင်မှု အားနည်းသော မိဘများအဖြစ် ပတ်ဝန်းကျင်က မြင်သည်ကိုပင်ဂရုမစိုက်နိုင်အောင် မာန မော်ကြွားစိတ်က လွှမ်းမိုးနေသော အဖြစ်ကို ကြားသိလိုက်ရပါတော့သည် ။
( ခ )
( ၁၉၉၆ ) ခုနှစ်ခန့်တွင် ရန်ကုန်မှ လပွတ္တာမြို့သို့ ထွက်ခွာလာခဲ့သော သင်္ဘော တစ်စင်းနစ်မြုပ်ခဲ့ဖူးပါသည် ။ တွံတေးတူးမြောင်းအနီးတွင်ဖြစ်ပါ၏ ။ လပွတ္တာမြို့သို ပြန်လာသော လပွတ္တာမြို့သူမြို့သားများတော်တော်လေးထိခိုက်ခဲ့သော ဖြစ်ရပ်ဖြစ်ပါသည် ။ ထိုခရီးစဉ်တွင်
ကျွန်တော်၏ ကျောင်းနေဖက်ဖြစ်သူ ကိုစိန်မောင် တစ်ယောက်လည်း ဆုံးရှုံးခဲ့ရပါ၏ ။ ကိုစိန်မောင်က
တီဗီ ၊ကက်ဆက် ၊ ရေဒီယို ၊ည စသည်တို့ကိုပြင်ဆင်မှုပြုလုပ်သူဖြစ်၍ လိုအပ်သော ပစ္စည်းများကို ရန်ကုန်မြို့တွင် ၀ယ်ယူရန်သွားခဲ့ခြင်းဖြစ်ပါသည် ။ ရန်ကုန်ရှိ ဆွေမျိုးများထံသို့ ကလေးများကို အလည်ခေါ်သွားခဲ့သောခရီးဖြစ်ပါသည် ။ ရန်ကုန်မှ အပြန်တွင် နေရာအဆင်ပြေစေရန် သဘေီာသားအိပ်ခန်းကို ငှား၍ကလေးများကို နေရာချထားခဲ့ပါသည် ။ ရန်ကုန် - လပွတ္တာ ခရီးစဉ်ကို ပြေးဆွဲနေကြသော သင်္ဘောများတွင် အောက်ထပ်ပဲ့ပိုင်းမှာ သင်္ဘောသားဝန်ထမ်းများ၏
အိပ်စင်များရှိပါသည် ။ သင်္ဘောသားတို့က တာဝန်ချိန်နှင့်ညှိနှိုင်းပြီး အိပ်စင်များကို ခရီးသည်တို့အား ငှားလေ့ရှိကြပါသည် ။ အပိုဝင်ငွေအတွက်ဖြစ်ပါ၏ ။ ထိုနေရာတွင် ကလေးများကို နေရာချထားခဲ့သော
ကိုစိန်မောင်သည် အပေါ်ထပ်ဦးခန်းတွင် မိတ်ဆွေများနှင့် လုပ်ငန်းကိစ္စများကို ပြောဆိုနေကြစဉ် သင်္ဘောက တိမ်းစောင်းမှုဖြစ်ခဲ့ပါ၏ ။ ထိုဦးခန်းပြတင်းပေါက်မှ ခုန်ချကူးခတ်ခဲ့သူများမှာ အသက်ရှင်ခဲ့ကြပါသည် ။ ကိုစိန်မောင်ကတော့ ခုန်ချထွက်ပြေးသူများတွင်မပါဝင်ခဲ့ပါ ။ ကလေးများရှိရာ သင်္ဘော အောက်ထပ်ပဲ့ပိုင်းဆီသို့ အရောက်သွားခဲ့ပါသည် ။ ရင်သွေးနှစ်ဦးကို စွန့်ခွာသွားနိုင်သော စိတ်ထားမရှိခဲ့ပါ ။ ပြန်လည်တွေ့ရချိန်တွင် သားသမီးနှစ်ဦးက ဖက်ထားသော ကိုစိန်မောင်တို့ မိသားစုကို
သွားရောက်သဂြိုလ်မှုပြုခဲ့ရသည့် အစ်ကိုက ယခုထက်တိုင်ကြုံသည့်အခါတိုင်း ပြောပြနေဆဲဖြစ်ပါသည် ။ ကျန်ရစ်သူဇနီးကလည်း မကိုခင်လို့ ဥကိုခင်တာ ဟု မျက်ရည်လည်ရွဲပြောပြဆဲ ဖြစ်ပါသည် ။ မိဘမေတ္တာကို အသက်နှင့်ရေးထိုးသွားသော ကိုစိန်မောင်ကို မောင်ကျော်ထွေး၏ မိဘများကမူ ညံ့သူဟု သဘောထားကြလေမည်လား မသိနိုင်ပါ ။
ဤလူ့လောကကြီးသည် မိဘများမှ သားသမီးများ ၊ သားသမီးများမှ မိဘများ စသည်ဖြင့် မျိုးဆက်များဖြည့်ဆည်းကာ လူ့ဘောင်လောကကို တိုးတက်မြင့်မားအောင်အလှဆင်နေကြရပါလိမ့်မည် ။ အပြန်အလှန်လေးစားမှု အားနည်းခြင်းမှသည် သံယောဇဉ် နှင့် မေတ္တာတရားတို့ပျောက်ပျက်သွား မည့် လောကကြီးကို လူသားတို့ တည်ဆောက်သင့်ပါသလားဆိုသည်ကိုမူ ကမ္ဘာစစ်ကြီးနှစ်ခုက ထင်ရှားစွာ ပြသသွားခဲ့ပြီးဖြစ်သည်ဟု ထင်မြင်နေမိပါတော့သည် ။
ငြိမ်းစိုးဦး
သိတတ်လို့ တတ်သိပြီး သတ္တိတွေတိုးကာ
ငြိမ်းချမ်းမှုများ စိုးမိုးလျက် ပညာဖြင့် ဦးဆောင်နိုင်ကြပါစေ ...
( Nov ; 7 ; 2012 )
